នាទីភាសាខ្មែរ

នៅរសៀល ថ្ងៃអង្គារ ១៣រោច ខែមិគសិរ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៩ ខែមករា ឆ្នាំ២០២៤ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ជួរ គារី បានបើកកិច្ចប្រជុំដើម្បីពិនិត្យ ពិភាក្សា និងអនុម័តបច្ចេកសព្ទរបស់គណៈកម្មការប្រវត្តិវិទ្យាដោយអនុម័តមេពាក្យនិងសេចក្ដីពន្យល់បានចំនួន២ពាក្យ។

នៅរសៀលថ្ងៃពុធ ៧រោច ខែមិគសិរ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៣ ខែមករា ឆ្នាំ២០២៤ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ហ៊ាន សុខុម បានបើកកិច្ចប្រជុំដើម្បីពិនិត្យ ពិភាក្សា និងអនុម័តបច្ចេកសព្ទរបស់គណៈកម្មការព័ត៌មានវិទ្យាដោយអនុម័តមេពាក្យនិងសេចក្ដីពន្យល់បានចំនួន១៦ពាក្យ។

លោកស្រីបណ្ឌិត ព្រុំ ទេវី ប្រធានគណៈកម្មការវិទ្យាសាស្ត្រសេដ្ឋកិច្ច បានពន្យល់អំពីប្រភពឫសគល់ ប្រវត្តិ និងការអនុម័តពាក្យ marketing ដោយក្រុមប្រឹក្សាជាតិភាសាខ្មែរ។ កិច្ចទីផ្សារ/ម៉ាឃិធីងអ. marketingបារ. marketing (m.) សំណុំនៃសកម្មភាពបុគ្គល ស្ថាប័ន ឬ ក្រុមហ៊ុន នានាក្នុងការបង្កើតតម្លៃ ការផ្សព្វផ្សាយ ការជំរុញ ការដោះដូរ និងការផ្តល់នូវអ្វីដែលមានប្រយោជន៍ ដល់អតិថិជន ដៃគូ និងសង្គមទាំងមូល។ https://youtu.be/Bu6zeEqP86s

ឯកឧត្តមបណ្ឌិតសភាចារ្យ សំ សោភាន់ ប្រធានគណៈកម្មការវិទ្យាសាស្ត្រសុខាភិបាលនៃក្រុមប្រឹក្សាជាតិភាសាខ្មែរពន្យល់អំពីពាក្យ«វេជ្ជសាស្ត្រ» «សុខាភិបាល» និង«វិទ្យាសាស្ត្រសុខាភិបាល»។ https://youtu.be/B7plbaWosnM

ឯកឧត្តមបណ្ឌិតសភាចារ្យ ហ៊ីង ថូរ៉ាក់ស៊ី រដ្ឋលេខាធិការប្រចាំការទីស្តីការគណៈរដ្ឋមន្ត្រី និងជាអនុប្រធានគណៈកម្មការវិទ្យាសាស្ត្រសេដ្ឋកិច្ចនៃក្រុមប្រឹក្សាជាតិភាសាខ្មែរបានពន្យល់អំពីពាក្យ«ប៊ីលាន» អ. billion និង«ទ្រីលាន» អ. trillion។ https://youtu.be/lhzEyUBYbro

ឯកឧត្តមបណ្ឌិត អ៊ាប បុណ្ណា អតីតប្រធានគណៈកម្មការវិទ្យាសាស្ត្រនិងបច្ចេកវិទ្យានៃក្រុមប្រឹក្សាជាតិភាសាខ្មែរ ដែលបច្ចុប្បន្នជាប្រធានគណៈកម្មការគីមីវិទ្យានិងរូបវិទ្យានៃក្រុមប្រឹក្សាជាតិភាសាខ្មែរបានពន្យល់អំពីការអនុម័តពាក្យ «ឈែត» ជាភាសាអង់គ្លេស chat និងជាភាសាបារាំង bavardage (m.)។ https://youtu.be/y2nFAbxmL0Y

បច្ចុប្បន្នជាសម័យសកលភាវូបនីយកម្ម វប្បធម៌បរទេសសាបព្រោះគ្មានដែនកំណត់ ភាសានិងអក្សររបស់ជាតិសាសន៍នីមួយៗសុទ្ធតែមានសារៈសំខាន់ មិនថាប្រទេសតូចឬធំ។ កាលណាភាសានិងអក្សរបស់គេរីកសាយ ភាយទៅកន្លែងណា ឥទ្ធិពលនៃវប្បធម៌ប្រពៃណីរបស់គេក៏ផ្សព្វផ្សាយបានទូលំទូលាយនៅទីនោះដែរ។ ប្រសិនបើវិស័យភាសានេះទន់ខ្សោយ ខ្វះពាក្យប្រើ ការប្រើប្រាស់មិនឯកភាពគ្នា នោះការផ្សព្វផ្សាយវប្បធម៌ប្រពៃណីជាតិក៏មិនបានទូលំទូលាយ ហើយវប្បធម៌ប្រពៃណីជាតិក៏ចុះទន់ ខ្សោយ និងអាចប្រឈមនឹងការបាត់បង់។​ជាការពិត យើងមានភាសានិងអក្សររបស់យើងហើយ តែក្នុងករណីចាំបាច់ខ្លះ យើងក៏ត្រូវការប្រើភាសានិងអក្សរបរទេសផងដែរ។ ជាក់ស្ដែង យើងប្រើអក្សរឡាតាំងដើម្បីសរសេរឈ្មោះភូមិ ឃុំ ស្រុក ខេត្ត ស្លាកសញ្ញាបង្ហាញផ្លូវ ទីកន្លែងផ្សេងៗ...